अंजोर.रायपुर, 14 मार्च। राज्य सरकार के संस्कृति अउ पुरातत्व विभाग डहर ले राज्य स्तरीय मानस मंडली प्रतियोगिता के आयोजन करे जात हावय। मानस मंडली प्रतियोगिता 10 मार्च ले सुरू होए ये प्रतियोगिता 10 अप्रैल तक चलही। राज्य स्तरीय मानस मंडली प्रतियोगिता के पहिली चरण म गांव पंचायत स्तर म प्रतियोगिता के आयोजन करे जाही। आन चरण म ब्लाक स्तरीय, तीसरा स्तर म जिला स्तरीय अउ चतुर्थ स्तर म राज्य स्तर म मानस मंडली प्रतियोगिता के आयोजन होही।
ग्राम पंचायत, विकासखण्ड, जिला अउ राज्य स्तर म होही प्रतियोगिता
मानस मंडली प्रतियोगिता ब्लाक स्तरीय विजेता ल पहिली पुरस्कार 10 हजार रूपए, जिला स्तर के विजेता ल 50 हजार रूपए, राज्य स्तरीय प्रतियोगिता के विजेता ल पहिली पुरस्कार 5 लाख रूपए, दूसरइया पुरस्कार 3 लाख रूपिया अउ तृतीय पुरस्कार 2 लाख रूपिया दे जाही। राज्य स्तरीय मानस मंडली प्रतियोगिता के आयोजन 8 ले 10 अप्रैल के शिवरीनारायण, जिला जांजगीर-चांपा म होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।