कर्नाटक म फंसे बंधुआ मजदूर के सकुशल वापसी

अंजोर.सुकमा,11 मार्च। सुकमा जिला प्रशासन अउ पुलिस विभाग के एक बड़े सफलता मिले हावय। सुकमा, बिजापुर, दंतेवाड़ा अउ बस्तर जिला के कुछ युवा जादा आय के लालच म मजदूरी करे कर्नाटक राज्य के सागरा गे रिहिस। उहाँ जादा मजदूरी त दूरिहा के बात हावय, पूरा पारिश्रमिक तको नइ मिलत रिहिस। येकर शिकायत मिले म जिला प्रशासन डहर ले लघियात कार्यवाही करत टीम गठित करके ये मजदूर मन के सफलतापूर्वक वापिस लाने के प्रक्रिया पूरा करे गिस।

कर्नाटक राज्य के जिला सिमोगा के सागरा म फंसे 19 मजदूर के अपन गृह राज्य आके राहत ले हावय। मजदूर ह बताइन के वो कर्नाटक म बनाये बुता करे गे रिहिस। जेकर खातिर पुरुष ल 12 हजार रूपिया अउ महिला मन के 10 हजार रूपिया प्रति महीना के दर ले पारिश्रमिक दे के बात रिहिस। मजदूर ले 12 घंटा ले जादा काम लिस जात रिहिन अउ बदला म पारिश्रमिक तको नइ दे गे। पाछु 02 महीना ले मजदूर ल बिना वेतन के काम ले जात रिहिस। येकर अलावा रोजमर्रा के खर्च के खातिर तको पइसा नइ दीस अउ बासी खाना दे जात रिहिन।