अंजोर.सिनेमा। छत्तीसगढ़ी सिनेमा के जबरदस्त निर्माता निर्देशक प्रणव झा ह अपन एक अऊ नवा फिलिम बीए सीरिज के फाइनल के घोसना के संग ही मुहूर्त तको करिन हाबे। मिले आरो के मुताबिक ये फिलिम म नायक मन कुरैशी के संग नवोदित नायिका दीक्षा जायसवाल के बड़े पर्दा म एंट्री होवत हाबे एक नायिका के तौर म।
जानबा होवय के निर्देशक प्रणव झा ह बीए सेकेन्ड ईयर, बीए फस्ट इयर अउ बेनाम बादशाह जइसे कई हिट फिलिम बना चुके हावय अब बीए सीरिज के तिसरइया धमाकेदार फिलिम देखे बर तइयार राहव। ये फिलिम म बिलासपुर अंचल के नवोदित अदाकारा दीक्षा जायसवाल के इंट्री होवत हाबे। दीक्षा के वीडियो एल्बम उक ल लोगन मन गजब मया दुलार दे हावय अब सिनेमा के बारी हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।