पत्रकार हित म निर्णय खातिर मुख्यमंत्री ल जोहार : छत्तीसगढ़ श्रमजीवी पत्रकार संघ

अंजोर.रायपुर, 25। मुख्यमंत्री भूपेश बघेल ले आज रायपुर निवास कार्यालय म छत्तीसगढ़ श्रमजीवी पत्रकार संघ के प्रदेस अध्यक्ष अरविंद अवस्थी के अगुवई म पत्रकार मनके प्रतिनिधिमण्डल ह सौजन्य मुलाकात करिस। प्रतिनिधिमण्डल ह मुख्यमंत्री श्री बघेल के सम्मान करिन अउ मुख्यमंत्री डहर ले पत्रकार मनके हित म ले कई अहम निर्णय के खातिर ओला धन्यवाद ज्ञापित करिन।

कोरोना म मृत पत्रकार के घर वाला ल आर्थिक मदद

श्री अवस्थी ह किहिन के मुख्यमंत्री श्री बघेल प्रदेस पत्रकार के शुभचिंतक हावय एक संगवारी कस प्रदेस के पत्रकार मनके हित म बुता करत हावय अउ उंकर समस्या के लघियात निराकरण करत हावय। श्री अवस्थी ह किहिन के मुख्यमंत्री भूपेश बघेल के अगुवई म राज्य सरकार डहर ले मासिक समाचार पत्र के संपादक ल तको अधिमान्यता दे गे हावय संग ही अधिमान्यता नवीनीकरण के बखत ल एक साल ले बढ़ाके 02 साल कर दे गे हावय। कोरोना काल म पत्रकार संगी ल इलाज खातिर मदद रकम दीस अउ कोरोना म मृत होए पत्रकार के घर वाला ल आर्थिक मदद रकम दे गिस। प्रदेस के पत्रकार येकर खातिर मुख्यमंत्री श्री बघेल के प्रति आभारी हावय। पत्रकार ह अपन आने-आने मांग मन के संबंध म तको ज्ञापन सउपिस जेमा मुख्यमंत्री ह सहानुभूतिपूर्वक विचार करे के आश्वासन दे। ए मउका म संघ के महासचिव श्री विश्व दीपक राई सहित प्रदेस के आने-आने जिला  ले आए बड़े संख्या म पत्रकारगण उपस्थित रिहिस।