होली म ब्रांडेड गुलाल ल टक्कर देही स्व-सहायता समूह के हर्बल गुलाल

अंजोर.महासमुंद, 14 मार्च। ए बार होली ल लेके बिहान समूह ले जुड़े महिला मन डहर ले हर्बल गुलाल तइयार करे जात हावय। समूह के स्वरोजगार ले जुरे महिला मन दिन-रात हर्बल गुलाल तइयार करे म लगे हावय। ए गुलाल के लगाये ले जिहां चेहरा म कोनो साइड इफेक्ट नइ होवय। महिला स्व-सहायता समूह के जरिए तइयार करे  जात हर्बल गुलाल अउ हर्बल रंग के कई विशेषता हावयं। 

होली म हर्बल गुलाल

येमा फूल के रंग के इस्तेमाल करे जात हावय। इतना ही नइ गुलाल अउ रंग म महक के खातिर तको फूल के ही इस्तेमाल करे जात हावय। एमे कोनो तको रकम के केमिकल नइ मिले, जेन नुकसान करे। इही सेती ए गुलाल अउ रंग के डिमांड जिला सहित आसपास के ज़िला ले तको आत हावय। अऊ महिला मन ल घर बइठे स्वरोजगार तको उपलब्ध होत हावय। महासमुन्द विकासखण्ड के गांव पंचायत बिरकोनी के माया महिला समूह डहर ले पाछु साल के रकम ले ए साल तको होली के खातिर जड़ी, बुटी अउ फूल ले हर्बल गुलाल बनाये के बुता करत हावय।

माया समूह के महिला मन ह बताइन येकर अलावा पीला, संतरा, लाल अउ चंदन रंग के गुलाल के बनाये करे जात हावय। जेकर बेचे स्व-सहायता समूह के महिला मन डहर ले गउठान परिसर बिरकोनी के दुकान के माध्यम ले करे जात हावय। जंगल म जाके टेसू फूल चुनके उंकर भी हर्बल गुलाल बनाये गे हावय। फेर कर मात्रा कम हावय। माया ह बताइन के हर्बल गुलाल के ऑर्डर स्व-सहायता समूह के मोबाईल नम्बर 93400-00982 म कॉल करके तको ले सकत हावय। हर्बल गुलाल बनाये म हल्दी, ईत्र, पलास के फूल अउ खाये के चुना उक के उपयोग करे गे हावय। 100 ग्राम हर्बल गुलाल के क़ीमत मात्र 10 रूपिया हावय। अभी के बेरा म समूह डहर ले लगभग 7 किलोग्राम गुलाल बन जा चुके हावय अउ हर्बल गुलाल बनाये के बुता करे जात हावय।