जस झांकी म दिखत हावय संस्कृति के झलक : मंत्री गुरु रुद्र कुमार

अंजोर.रायपुर, 27 मार्च। लोक स्वास्थ्य यान्त्रिकी अउ ग्रामोद्योग मंत्री गुरु रुद्रकुमार आज दुर्ग जिला के सिरसा खुर्द म आयोजित दू दिवसीय जस झांकी प्रतियोगिता के समापन समारोह म सामिल होइन। ओमन उहां गांव वाला के सौगात देत जिला विकास योजना के ले 45 लाख 50 हजार के आने-आने बुता के भूमि पूजन तको करिन। एमे हाईस्कूल म भोजन शेड, पाइप लाइन विस्तार, तरिया म पचरी बनाये कार्य, सामुदायिक भवन अउ मंच बनाये अउ सीसी रोड बनाये बुता सामिल हावयं।

मंत्री गुरू रूद्रकुमार ह किहिन के जस झांकी जइसे कार्यक्रम ले अपन संस्कृति के करीब आत हावयं। अइसे कार्यक्रम के आयोजन सरलग होवत रहना चाही। ओमन जस झांकी प्रतियोगिता के आनंद लिस। ए प्रतियोगिता म आने-आने मंडली मन ह भाग लिस अउ झांकी के माध्यम ले शानदार प्रस्तुति दीस।