अंजोर.रायपुर, 03 मार्च। अंतर्राष्ट्रीय महिला दिवस के मउका म महिला अउ बाल विकास विभाग डहर ले कई कार्यक्रम के आयोजन करे जाही। राजधानी रायपुर के शंकर नगर स्थित बीटीआई ग्राउंड म 07 मार्च के राज्य स्तरीय महिला सम्मेलन के आयोजन होही। ए कार्यक्रम म मुख्यमंत्री भूपेश बघेल अउ महिला अउ बाल विकास मंत्री श्रीमती अनिला भेंड़िया सामिल होही। 08 मार्च के बिहनिया 7 बजे बड़ संख्या म महिला मन डहर ले साइकिल रैली निकाले जाही। येकर संग ही बीटीआई ग्राउंड म 05 ले 08 मार्च तक तीन दिवसीय राज्य स्तरीय महिला मड़ई के आयोजन करे जाही। मड़ई म राज्य के स्व-सहायता समूह डहर ले तइयार जिनिस के प्रदर्शनी लगाये जाही। इहां महिला मन के सशक्त होवत कदम अउ आत्मनिर्भर बनत जीवन के झलक दिखाई देही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।