मैनपाट महोत्सव खातिर संवरत हाबे छत्तीसगढ़ के शिमला

अंजोर.अम्बिकापुर,3 मार्च। छत्तीसगढ़ के शिमला कहे जाने वाला मैनपाट म महोत्सव के तइयारी जोर-शोर ले सुरू हो गे हावय। आयोजन जगह रोपाखार जलाशय के तिर म मुख्य मंच के साज-सज्जा, डोम अउ पंडाल बनाये सहित जगह-जगह आकर्षक चित्रकारी करे जात हावय। मैनपाट महोत्सव मार्च के दूसरइया सप्ताह म होवइया हावय।

कलेक्टर के मार्गदर्शन म मैनपाट महोत्सव के तइयारी होवत हावय। महोत्सव म लोककला, संस्कृति अउ पर्यटन के बढ़ावा दे के खातिर विविध आयोजन करे जाही। कर्मा, शैला, सुआ नृत्य जइसे लोककला के संग सरगुजिहा संस्कृति के झलक दिखही। महोत्सव म बड़े-बड़े डोम लगाए जात हावयं। पानी-बिजली के व्यवस्था, सड़क के मरम्म्त सहित आन सौंदर्यीकरण के बुता करे जात हावयं। मैनपाट महोत्सव म ए बार स्थानीय अउ छतीसगढ़ के कलाकार मनलस भरपूर मउका मिलही। आयोजन जगह म फूड जोन, मेला, एडवेंचर स्पोर्ट्स विभागीय प्रदर्शनी के धूम रइही। 

मैनपाट के प्राकृतिक सौंदर्य, पहा के बीच ले गुजरत सड़क अउ नयनाभिराम दृश्य के संग रोमांच अउ आश्चर्य भरे पर्यटन पॉइंट, उल्टा पानी, जलजली, टाइगर पॉइंट, फिश पॉइंट उक पर्यटक मनला आकर्षित करही। मैनपाट म तिब्बती संस्कृति अउ जलवायु लोगन ल शिमला के अहसास कराही।