अंजोर.रायपुर,25 मार्च। आदिम जाति अनुसंधान अउ प्रशिक्षण संस्थान रायपुर डहर ले 19 ले 21 अप्रैल तक तीन दिवसीय राज्य स्तरीय जनजातीय कला अउ चित्रकला प्रतियोगिता के आयोजन करे जात हावय। इच्छुक प्रतिभागी 8 अप्रैल तक पंजीयन फॉर्म ई-मेल ntlf.trtirpr@gmail.com या कार्यालय म स्वयं उपस्थित होके जमा करके सकत हावय।
संचालक आदिम जाति अनुसंधान अउ प्रशिक्षण संस्थान ले मिले जानकारी के मुताबिक तीन दिवसीय प्रतियोगिता के आयोजन रायपुर के साइंस कॉलेज परिसर के पंडित दीनदयाल उपाध्याय ऑडिटोरियम म होही। जनजातीय चित्रकला प्रतियोगिता 3 उमर वर्ग म होही। प्रतियोगिता के आयोजन 12 ले 18 वर्ष, 18 ले 30 साल अउ 30 साल ले जादा उमर वर्ग म होही। इही रकम ले हस्तशिल्प कला प्रतियोगिता 2 उमर वर्ग म होही। जेमा 18 ले 30 अउ 30 ले ऊपर उमर वाला वर्ग के खातिर प्रतियोगिता के आयोजन होही। मिले जानकारी के मुताबिक प्रतियोगिता म दिव्यांग कलाकार मनके बिसेस प्रतिभागिता होही। हस्तकला प्रतियोगिता म बांस कला, काष्ठ कला, बेल मेटल, माटी कला, तुमा कला, छिंदकला, शीषल कला अउ लौह शिल्प कला म प्रतिभागी भाग ले सकही। विस्ता्र ले जानकारी संस्थान के वेबसाइट cgtrti.gov.in म अपलोड करे गिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।