अंजोर.रायपुर, 31 मार्च। मुख्यमंत्री भूपेश बघेल के अगुवई म राज्य सरकार डहर ले प्रदेस म प्रशासनिक विकेन्द्रीकरण के तहत जनता अउ शासन-प्रशासन के बीच के दूरी के कम करे के खातिर सरलग बुता करे जात हावय। इही उद्देश्य ले मुख्यमंत्री श्री बघेल ह आज अपन निवास कार्यालय म आयोजित कार्यक्रम म प्रदेस म 4 नवा राजस्व अनुविभाग अउ 23 नयी तहसील के शुभारंभ करिन। अभी के बेरा म छत्तीसगढ़ प्रदेस म कुल 96 अनुविभाग हावयं अउ तहसील के संख्या 179 हावय। नवा अनुविभाग अउ तहसील के सुरू होए ले सरकारी योजना मन के सुचारू रूप ले क्रियान्वयन अउ प्रशासनिक कामकाज म कसावट लाने म सुविधा होही।
मुख्यमंत्री श्री बघेल ह जगदलपुर जिला म तोकापाल,गौरेला-पेंड्रा-मरवाही जिला म मरवाही, सूरजपुर जिला म भैयाथान अउ गरियाबंद जिला म मैनपुर अनुविभाग के शुभारंभ करिन हावय। इही रकम ले ले नवा तहसील म बिलासपुर जिला म सीपत अउ बोदरी, गौरेला-पेंड्रा-मरवाही जिला म सकोला (कोटमी), जांजगीर-चांपा जिला म अड़भार, रायगढ़ जिला म सरिया अउ छाल, कोरबा जिला म बरपाली, अजगरबहार अउ पसान, बलरामपुर-रामानुजगंज जिला म चांदो, रघुनाथनगर अउ डोरा-कोचली, सूरजपुर जिला म बिहारपुर, बलौदाबाजार-भाटापारा जिला म सुहेला अउ भटगांव,दुर्ग जिला म अहिवारा, बेमेतरा जिला म नांदघाट,उत्तर बस्तर कांकेर जिला म सरोना, दक्षिण बस्तर दंतेवाड़ा जिला म बारसूर,बीजापुर जिला म कुटरू अउ गंगालूर, नारायणपुर जिला म छोटे डोंगर अउ कोहकामेटा सामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।