छत्तीसगढ़ के 30 पढ़इया लइका यूक्रेन ले लहुंटिस, अब तक 69 के होइस सकुशल वापसी

अंजोर.रायपुर, 03 मार्च। यूक्रेन म फंसे छत्तीसगढ़ के 30 पढ़ईया गुरुवार के नवा दिल्ली लौटे हावयं। अब तक प्रदेस के 69 पढ़इया लइका के यूक्रेन ले सकुशल वापसी हो चुके हावय। मुख्यमंत्री भूपेश बघेल के सतत मार्गदर्शन अउ निर्देश म यूक्रेन ले वापस आने वाला प्रदेस के पढ़इया लइका के खातिर नवा दिल्ली म बेवस्था बनाये गे हावय अउ छत्तीसगढ़ सरकार डहर ले उहाँ ले उंकर गृहनगर जाये के खातिर सुविधा दे जात हावयं।

आवासीय आयुक्त कार्यालय ले मिले ओरा के मुताबिक गुरुवार के 30 पढ़ईया यूक्रेन ले नवा दिल्ली वापस लौटे हावयं। दल्लीराजहरा के हेमंत कुमार साहू, महासमुंद के कमलेश साहू, आकाश तिवारी, रायगढ़ के ओमप्रकाश पटेल, समीर कुमार भोई, अभिषेक सिंह, रायपुर के अफसार अंसारी, अमल पिल्लई, आद्यशा मोहंती, बोइदी आयुश्री, साक्षी अग्रवाल, जगदीश साहू, भुवन रायकवार, अपूर्वा वर्मा, अभिजीत वानी, राजनांदगांव के ऋषिका घोष, संजना श्रीवास्तव, दुर्ग के दिव्यान्श दुबे, चिरमिरी के संदीप कुमार डेविड, अभिषेक कुमार पटेल, प्रांजल तिवारी, अम्बिकापुर के शिवम सिंह, बिलासपुर के रिया अदिति, जांजगीर के चन्द्र प्रकाश राठौर, तुषार गिरी गोस्वामी, शुभम कुमार, निहारिका गवेल, धर्मजयगढ़ के शिफा खुर्शीद, कोरबा के अयान चक्रवर्ती गुरुवार के नवा दिल्ली लौटे हावयं।

सबो पढ़ईया छत्तीसगढ़ भवन म कुछ देर रूके के बाद फ्लाइट ले रायपुर के खातिर रवाना हो गे। जानकारी के मुताबिक पढ़इया लइका ल मदद दे करे खातिर मुख्यमंत्री भूपेश बघेल के निर्देश म नवा दिल्ली के छत्तीसगढ़ भवन म मदद केंद्र स्थापित करे गे हावय। ये पढ़इया लइका के वाहन, घर अउ भोजन के सुविधा दे जात हावय। येकर अलावा, पढ़इया लइका के उंकर गृहनगर वापस लाने के खातिर हवाई टिकट सहित सबो जरूरी बेवस्था करे गे हावय।