अंजोर.रायपुर,01 अप्रैल। महिला अउ बाल विकास विभाग ह प्रदेस म बाढ़त गर्मी म लइका के स्वास्थ्य म प्रभाव ल धियान म रखत आंगनबाड़ी के संचालन के समय म परिवर्तन कर दे हावय। अब आंगनबाड़ी के संचालन बिहनिया 7 बजे ले 11 बजे तक होही। गरमी के बखत माने 01 अप्रैल ले 30 जून तक आंगनबाड़ी केन्द्र के संचालन 6 घण्टे ले घटाके 4 घण्टे कर दे हावय। आंगनबाड़ी केन्द्र के संचालन 01 जूलाई ले फेर ले बिहनिया 9.30 ले मंझनिया 3.30 बजे तक 6 धण्टा के करे जाही। ए संबंध म मंत्रालय ले महिला अउ बाल विकास विभाग डहर ले सबो विभागीय जिला अधिकारी मनको आदेश जारी करके दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।