छत्तीसगढ़ सिविल सेवा आचरण नियम के विरूद्ध आचरण के मामला म नायब तहसीलदार मस्तूरी निलंबित के प्रस्ताव

अंजोर.रायपुर, 17 अप्रैल। नायब तहसीलदार मस्तूरी डहर ले छत्तीसगढ़ सिविल सेवा आचरण नियम के विरूद्ध आचरण के मामला के गंभीरता ले लेवत कलेक्टर बिलासपुर ह नायब तहसीलदार मस्तूरी ल तुरते प्रभाव ले अवइया आदेश पर्यन्त जिला कार्यालय भू-अभिलेख शाखा बिलासपुर म संलग्न करे हावय। कलेक्टर ह नायब तहसीलदार मस्तूरी के विरूद्ध तुरते प्रभाव ले निलंबित करे अउ उंकर विरूद्ध ठोस अनुशासनात्मक कार्यवाही के प्रस्ताव बिलासपुर संभाग के कमिश्नर के भेजा हावय।

बिलासपुर जिला के मस्तूरी तहसील कार्यालय म पदस्थ नायब तहसीलदार रमेश कुमार कमार के एक वीडियो वायरल होइस, जेमा उंकर आचरण सरकारी सेवक के आचरण के विपरीत हावय। कलेक्टर बिलासपुर डहर ले ए संबंध म बिलासपुर संभाग के कमिश्नर ल भेजे चिट्ठी म उल्लेख करे गे हावय के अनुविभागीय अधिकारी राजस्व मस्तूरी डहर ले प्रतिवेदित करे गे हावय के 4 अप्रैल 2022 कार्यालयीन दिन सोमवार के तहसील मस्तूरी म पदस्थ रमेश कुमार कमार, नायब तहसीलदार मस्तूरी के एक वीडियो वायरल होइस हावय, जेमा नायब तहसीलदार डहर ले सरकारी सेवक के विपरीत आचरण करे गे हावय।