जल्दी अस्तित्व म आही, सारंगढ़-बिलाईगढ़ जिला : श्री भूपेश बघेल

अंजोर.रायपुर, 17 अप्रैल। मुख्यमंत्री भूपेश बघेल ह किहिन हावय के सारंगढ़-बिलाईगढ़ जिला जल्दी् अस्तित्व म आही। येकर खातिर जल्दीअ ही ओएसडी के नियुक्ति करे जाही। मुख्यमंत्री आज बलौदाबाजार-भाटापारा जिला के बिलाईगढ़ विकासखंड के गांव सलौनीकला म आयोजित चंद्रनाहू (चंद्रा) विकास महासमिति के 76वाँ वार्षिक अधिवेशन ल सम्बोधित करत रिहिस।

श्री बघेल ह सम्मेलन के सम्बोधित करत गांव सलौनीकला म चंद्रा समाज के सामाजिक भवन के खातिर 30 लाख रूपिया के स्वीकृति के घोसना करिस। संग ही ओमन रायपुर के अमलीडीह म समाज के भवन बर कलेक्टर गाइडलाइंस दर के 10 परतिसत कीमत म जमीन उपलब्ध कराये के घोसना करिस। ओमन क्षेत्र म सिंचाई सुविधा के विस्तार बर जोंक डायवर्सन अर्जुनी के ऊँचाई बढ़ाये बर विभागीय परीक्षण करे के निर्देश विभागीय  अधिकारी मनको दिस। कार्यक्रम म चंद्रनाहू समाज के महिला मन डहर ले बनाए गे लगभग 100 किलोग्राम छत्तीसगढ़ी व्यंजन अईरसा रोटी ले तौलकर मुख्यमंत्री के स्वागत करे गिस।