छत्तीसगढ़ मनवा कुर्मी क्षत्रिय समाज चंदखुरी राज के सम्मेलन म शामिल होइन मुख्यमंत्री

अंजोर.रायपुर, 17 अप्रैल। मुख्यमंत्री भूपेश बघेल ह किहिन के हमर पुरख ह जेन छत्तीसगढ़ के सपना देखे रिहिस, पाछु सवा तीन साल के बखत हमन उही सपना ल साकार करे के दिशा म काम करे हावन। श्री बघेल ह किहिन के हम सब ह छत्तीसगढ़ महतारी के मान बढ़ाये अउ छत्तीसगढ़ ल नवा पहचान देवाये के संकल्प लिस रिहिस अउ मात्र सवा तीन साल म ही हम छत्तीसगढ़ के नया पहचान देवाये म कामयाब होए हावयं। सवा तीन साल पहिली तक छत्तीसगढ़ के खदान या फेर नक्सल उपद्रव के नाम म जाने जात रिहिस, आज छत्तीसगढ़ के गोठबात उंकर गांव के समृद्धि ल लेके होत हावय।