अंजोर.गरियाबंद, 15 अप्रेल। गरियाबंद पुलिस अधीक्षक जे.आर. ठाकुर थाना मैनपुर क्षेत्रांतर्गत गांव पथर्री म सिविक एक्शन कार्यक्रम म सामिल होइन। कार्यक्रम के बखत गांव पथर्री के जनता के बीच रूबरू होवत गांव के समस्याओ के बारे म पूठिस। गांव के ग्रामीण महिला मन डहर ले महिला कमांडो टीम गठित करे के मांग करिस जेन म पुलिस अधीक्षक डहर ले संबंधित थाना प्रभारी के निर्देशित करत किहिन के महिला कमांडो गठित करके साड़ी बाटय। गोठबात के बखत तीन नोनी मन के डहर ले हॉस्टल म रिहिके कॉलेज के पढ़ाई करे के मांग रखीस। जेन म ओला हॉस्टल म रेहे अउ कॉलेज म एडमिशन म सहयोग बर आस्वस्थ करिस। युवा मन के खेल के संग-साथ ग्रामीण संस्कृति के आगू बढ़ाने के संग पढ़ाई म धियान दे ल कहिन। ओमन किहिन के गांव म अवैध बुता म संलिप्त लोगन के बारे म पुलिस के जानकारी देवे, जानकारी देवइया के नाम गुप्त रखे जाही। सिविक एक्शन के बखत गांव पथर्री के युवा मन ल क्रिकेट कीट अउ महिला मन ल साड़ी अउ बुजुर्ग ल गमछा, टी शर्ट बाटे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।