मुख्यमंत्री ह श्रमवीर मनला दीस अंतर्राष्ट्रीय मजदूर दिवस के सुभकामना

अंजोर.रायपुर, 30 अप्रैल। मुख्यमंत्री भूपेश बघेल ह अंतर्राष्ट्रीय मजदूर दिन (मई दिवस) के मउका म श्रमवीर मनला बधाई अउ सुभकामना दीस हावयं। ए मउका म श्री बघेल ह सबो मजदूर के सुखमय अउ उज्जवल भविष्य के कामना के हावय। श्री बघेल ह किहिन हावय के मजदूर हमर समाज के अभिन्न अंग अउ विकास के आधारशिला हावयं। एक मई के हर साल हम इही मेहनतकश लोगन के प्रति आभार व्यक्त करे के खातिर मजदूर दिवस मनाथन। मुख्यमंत्री ह कामगा मनके सामाजिक-आर्थिक खुसयाली के खातिर प्रतिबद्धता प्रकट करत किहिन के छत्तीसगढ़ सरकार मजदूर सहित सबो जरूरतमंद लोगन के विकास के हरसंभव प्रयास करत हावय।

श्री बघेल ह किहिन के छत्तीसगढ़ म पारम्परिक रूप ले मेहनतकश के दैनिक भोजन के हिस्सा बोरे-बासी रिहिन हावय। बोरे बासी म सारी पोषक तत्व मौजूद हावयं। गर्मीं के दिन म शरीर के ठंडा रखे के संग पाचन शक्ति बढ़ाये के खातिर तको ये रामबाण हावय। हमर संस्कृति अउ परम्परा म स्वस्थ जीवन के कई सूत्र अउ रहस्य छुपे हावयं, जेला हमन ल जाने, पहचाने अउ अपनाये के जरूरत हावय। हमन ल हमर युवा पीढ़ी ल तको अपन आहार अउ संस्कृति के प्रति गौरव के अहसास कराना बहुत जरूरी हावय। श्री बघेल ह अपील के हावय के सबो एक मई के मजदूर दिवस के दिन आमा के अथान अउ गोंदली के संग हर घर म बोरे-बासी खाएं अउ अपन संस्कृति अउ विरासत म गर्व महसूस करें।