अंजोर.कोण्डागांव,29 अप्रैल। कार्यालय जिला शिक्षा अधिकारी कोण्डागांव डहर ले जारी विज्ञप्ति मुताबिक कोण्डागांव म लइका के फोकट म अउ अनिवार्य बाल शिक्षा के अधिकार के अधिनियम के तहत् सत्र 2022-23 म जिला के आने वाला अशासकीय स्कूल मन म फोकट म प्रवेश बर आवेदन 15 मई 2022 तक आमंत्रित करे गे हावय। ए बर आवेदन ऑनलाईन वेबपोर्टल म जाके करे जा सकत हावयं। ए बर नर्सरी कक्षा के खातिर 3 ले 4 वर्ष, केजी-1 के खातिर 4 ले 5 साल अउ पहिली कक्षा के खातिर 5 ले 6 साल तक के अइसे लइका जेन दुर्बल वर्ग ले बीपीएल कार्डधारी एसटी, एससी, ओबीसी या सामान्य वर्ग अउ असुविधाग्रस्त वर्ग ले अनाथ, दिव्यांग, एसटी, एससी, एचआईवी पीड़ित परिवार ले संबंधित होही ओला आवेदन बर पात्रता होही। एकर बर कोनो तको सरकारी कार्यालय, जनपद, विकासखण्ड कार्यालय अउ च्वाइस सेंटर म जाके आवेदन करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।