जिला स्तरीय रामायण मण्डली प्रतियोगिता म विकासखंड कटघोरा के श्री राम जानकी मानस मंडली रंगबेल ह मारिस बाजी

अंजोर.कोरबा,03 अप्रैल। भगवान श्री रामचंद्र के आदर्श ल जन जन तक पहुँचाये अउ जिला के रामायण मंडली मन ल प्रोत्साहित करे खातिर कोरबा के डॉ भीम राव अम्बेडकर ओपन ऑडोटोरियम म जिला स्तरीय रामायण मंडली प्रतियोगिता के आयोजन करे गिस। प्रतियोगिता म विकासखंड कटघोरा के गांव पंचायत रंगबेल के श्री राम जानकी मानस  मंडली ह पहिली ठऊर  मिलिस। विजेता टीम के 50 हजार रूपिया रकम के चेक, सुरता चिनहा अउ प्रशस्ति पाती दे करके सम्मानित करे गिस। कटघोरा के पूर्व विधायक बोधराम कंवर ह जनप्रतिनिधी मन के संग विजेता मंडली अउ प्रतियोगिता म सामिल  रामायण मंडली मन के सम्मान करिन।