इंडिया स्किल्स जूनियर चैंपियनशिप म विजेता मनके होइस सम्मान

अंजोर.ए। भारत सरकार के कौशल विकास अउ उद्यमिता मंत्रालय (एमएसडीई) के अकताहा सचिव अतुल कुमार तिवारी के डहर ले 60 ले जादा विजेता मन ल नकद पुरस्कार, प्रमाण पाती अउ पदक देके सम्मानित करे जाये के संग स्कूली पढ़इया लइका के खातिर देश के पहिली कौशल प्रतियोगिता जूनियर स्किल्स 2021 के आज राजधानी म उत्साह के संग समापन होइस।

एमएसडीई के तहत राष्ट्रीय कौशल विकास निगम (एनएसडीसी) के एक पहल, जूनियर स्किल्स चैंपियनशिप स्कूली पढ़इया लइका के खातिर भारत के कौशल प्रतियोगिता हावय, जेला सीबीएसई के संग साझेदारी म सुरू करे गे हावय।

स्वर्ण पदक विजेता मन के अक्टूबर 2022 म शंघाई के यात्रा करे के मउका मिलही, जिहां वो विश्व के प्रमुख कौशल प्रतियोगिता वर्ल्ड स्किल्स कंपटीशन के लकठा ले अनुभव करही, इसप्रतियोगिता म आने-आने देश कौशल के क्षेत्र म सर्वोत्तम सम्मान पाये के खातिर भाग लेवत हावयं। येकर संग ही, ये घोसना करे गिस के जूनियरस्किल्स के आन संस्करण के नाम बदलकर इंडियास्किल्स जूनियर करके दे जाही।