छत्तीसगढ़ म जुन्ना पेंशन योजना लागू

अंजोर.रायपुर, 11 अप्रैल। मुख्यमंत्री भूपेश बघेल के पहल म छत्तीसगढ़ म राज्य सरकार के कर्मचारी मन के खातिर जुन्ना पेंशन योजना लागू कर गे हावय। ए फैसला ले नवा अंशदायी पेंशन योजना के अधिकारी-कर्मचारी मनला तको अब जुन्ना पेंशन योजना के लाभ मिलना इही वित्तीय साल ले सुरू हो जाही। ए फैसला ले लगभग तीन लाख अधिकारी-कर्मचारी ल लाभ मिलही।

जानबा हावय के विधानसभा के बजट सत्र म मुख्यमंत्री भूपेश बघेल ह राज्य सरकार के कर्मचारी मन के खातिर जुन्ना पेंशन योजना लागू करे के घोसना करे रिहिस। राज्य सरकार के आने-आने कर्मचारी संगठन लम्बे समय ले 01 नवंबर 2004 अउ उंकर बाद नियुक्त कर्मचारी मन म नवा अंशदायी पेंशन योजना के ठऊर  म जुन्ना पेंशन योजना लागू करे के मांग करे रिहिस।