अंजोर.जशपुरनगर,14 अप्रैल। प्राकृतिक आपदा म जनहानि के दाक मामला म प्रभावित परिजन बर आरबीसी 6-4 के तहत 8 लाख रूपिया के आर्थिक मदद अनुदान रकम स्वीकृत करे हावय। जेकर ले सर्पदंश के सेती दुलदुला तहसील के गांव टेढ़ापहाड़ा निवासी स्व.सरसती के मृत्यु 05 अक्टूबर 2021 के हो जाये म मृतिका के निकटतम वारिस मृतिका के पति रविन्द्र राम बर 4 लाख रूपिया के आर्थिक मदद रकम स्वीकृत करे गिस हावय। इही रकम ले पत्थलगांव विकासखण्ड के गांव झक्कड़पुर निवासी स्व. सुकमती नाग की मृत्यु 02 अक्टूबर 2021 के हो जाये म मृतिका के निकटतम वारिस मृतिका के पति कुरी राम नाग बर 4 लाख रूपिया के आर्थिक मदद रकम स्वीकृत करे गिस हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।