भेट-मुलाकात : लुंड्रा विधानसभा के सहनपुर गांव म मुख्यमंत्री ह के कई बड़का घोसना

• धौरपुर ल मिलिय एसडीएम कार्यालय अउ कॉलेज के सौगात
• रघुनाथपुर बनही उप तहसील, सहनपुर म खुलही उप स्वास्थ्य केंद्र
• लुंड्रा विधानसभा के सहनपुर गांव म मुख्यमंत्री ह के कई बड़का घोसना

अंजोर.रायपुर,10 मई। मुख्यमंत्री भूपेश बघेल भेंट मुलाकात के खातिर लुंड्रा विधानसभा के सहनपुर गांव पहुंचे रिहिस। उहां आम के पेड़ के खल्हेु लोगन ले भेंट मुलाकात के बखत मुख्यमंत्री ह कई बड़का घोसना करिस। मुख्यमंत्री ह युवा मनला बड़का सौगात देत धौरपुर म नया कॉलेज खोले के घोसना करिस। राजस्व प्रकरण के निराकरण म तेजी आए येकर खातिर मुख्यमंत्री ह धौरपुर म  एसडीएम कार्यालय कार्यालय खोले के तको घोसना करे हावय।

मुख्यमंत्री ह मछली नदी म पुल निर्माण, रघुनाथपुर म उप तहसील खोले, सहनपुर मिडिल स्कूल के हाई स्कूल म उन्नयन करे के संग ही सहनपुर म उप स्वास्थ्य केंद्र खोले के घोसना करिस। मुख्यमंत्री ह साप्ताहिक बाजार म शेड अउ चबूतरा के निर्माण,  सरकारी उ.मा. स्कूल लुंड्रा अउ कुदारी लमगांव म अकताहा कक्ष के निर्माण, सरकारी उ.मा. स्कूल करौली, बरगीडीह, रघुनाथपुर म भवन बनाये के स्वीकृति तको दीस हावय। मुख्यमंत्री श्री बघेल ह ये तको किहिन हावय के जनता के सुविधा के खातिर जिहां जेन चीज के जरूरत  होही उहां ओला जरूर पूरा करे जाही।