बुद्ध पूर्णिमा म मुख्यमंत्री ह प्रदेसवासी ल दीस सुभकामना

Buddha Purnima best wishes

अंजोर.रायपुर,16 मई। मुख्यमंत्री भूपेश बघेल ह 16 मई के बुद्ध पूर्णिमा के मउका म सबो बौद्ध सहित प्रदेसवासी ल हार्दिक बधाई अउ सुभकामना दीस। अपन शुभकामना संदेश म ओमन किहिन के महात्मा बुद्ध ह लोगन के अहिंसा, समानता अउ विश्व बंधुत्व के संदेश देवे। उंकर शिक्षा ल बिदेस म तको अपनाइन  अउ लाखों अनुयायी उंकर दिखाये रद्दा म चलके देश-दुनिया ल शांति के संदेश देत हावयं। श्री बघेल ह किहिन के गौतम बुद्ध के उपदेश हर परिस्थिति अउ काल म प्रासंगिक हावयं। उंकर देगे शिक्षा हमन ल संयम ले आगू बढ़े के संदेश देत हावय। महात्मा बुद्ध के विचार अउ जीवन कीमत एक बढि़या समाज अउ राष्ट्र बनाये के खातिर हमेशा मार्गदर्शक रइही।