अंजोर.रायपुर, 7 मई। मुख्यमंत्री भूपेश बघेल ह आज प्रतापपुर म अधिकारी मनके संग आयोजित समीक्षा बइठक म किहिन के अधिकारी मुस्तैदी ले काम करें अउ जनता के प्रति जवाबदार बनें। काम म लापरवाही बर्दाश्त नइ के जाही। मुख्यमंत्री श्री बघेल भेंट-मुलाकात अभियान के तहत काली प्रतापपुर विधानसभा क्षेत्र के भ्रमण के बाद प्रतापपुर पहुंचे रिहिस। बइठक म मुख्यमंत्री ह किहिन के ए इलाका म पानी के कमी के स्थिति हावय, भूजल स्तर म कमी के दूरिहा करे बिसेस धियान दे, नरवा के काम तेज़ी ले पूरा करें। प्रतापपुर सर्किट हाउस म आयोजित बइठक म नगरीय प्रशासन अउ विकास मंत्री डॉ.शिवकुमार डहरिया, स्कूल शिक्षा मंत्री डॉ.प्रेमसाय सिंह टेकाम, अपर मुख्य सचिव श्री सुब्रत साहू उपस्थित रिहिस।
बैठक म मुख्यमंत्री ह बताइन के हेलीकाप्टर ले आत देखे एक नाला सूख गे हावय, म ट्रीटमेंट वाला नाला म पानी हावय। नरवा योजना के तहत नाला के ट्रीटमेंट तेजी ले करें। प्रतापपुर म सरकारी बिल्डिंग म रेन वाटर हार्वेस्टिंग रहना चाही। ओमन किहिन के रायपुर शहर के बाद सूरजपुर पहिली जिला हावय, जिहां 800 फ़ीट म पानी नहीं। वाटर रिचार्जिंग म धियान दें, बिना झिझक के अच्छा काम करें।
श्री बघेल ह किहिन के वन भूमि म जेन लोगन के 13 दिसंबर 2005 के पहिली ले कब्जा हावय उन सबो के फारेस्ट लेंड पट्टा मिल जाये। भ्रमण के बखत राजस्व विभाग के शिकायत मिली, उंकर निराकरण करें। पटवारी के शिकायते जादा हावयं। मुख्यमंत्री ह किहिन के आवर्ती चराई के खातिर पहाड़ी, बस्ती ले दूरिहा गउठान बन रिहिन हावय, ए म अधिकारी धियान दें। गांव के लकठा गउठान बनाए। गउठान योजना म गड़बड़ी या लापरवाही बर्दाश्त नइ के जाही। इही रकम ले गरीब लोगन के राशनकार्ड जरूर बनाए जाएं। यदि कोनो गरीब के राशन कारड न मिले त ये हमर गलती हावय। यदि कोनो समस्या हावय त अधिकारी मनको अवगत कराइये। मुख्यमंत्री ह अधिकारी मनसे ये तको किहिन के लोगन ले उंकर भाषा म बात करिए उनको अच्छा लगेगा। गुड गवर्नेंस के यही तरीका हावय।
श्री बघेल ह किहिन के जिला के प्रभारी सचिव समीक्षा करके ये सुनिश्चित करें के जतका तको घोसना के गे हावयं, निर्देश दे गे हावयं, वो पूरा हो। शिकायत निवारण के खातिर ऑनलाइन कॉल सेंटर खोले जाही। नाला ले बालू के अवैध खुदाई के मामला म कड़ाई ले करवाई के जाही। अवैध उत्खनन म कड़ाई ले कार्यवाही होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।