भेट-मुलाकात के दूसर दिन रामानुजगंज विधानसभा म मुख्यमंत्री के धुआँधार दौरा

अंजोर.रामानुजगंज, 05 मई। भेंट-मुलाकात अभियान के तहत रामानुजगंज विधानसभा के सनावल गांव पहुंचे मुख्यमंत्री भूपेश बघेल ह सनावल के ग्रामीण बैंक के निरीक्षण करिन। ओमन सनावल के भेंट-मुलाकात कार्यक्रम के बखत गांव वाला के मांग म क्षेत्र के खातिर केऊ घोसना करिस। मुख्यमंत्री ह गांव पचावल अउ त्रिशूली के बीच पांगन नदी म टूटे पुल ल फेर बनाये, इही रकम ले गांव डिंडो ले चेरा के बीच अउ गांव डिंडो डूमरपान के बीच छतकरम नदी म पुल बनाये के घोसना करिस। ए मउका म नगरीय प्रशासन अउ विकास मंत्री डॉ. शिव कुमार डहरिया, विधायक बृहस्पत सिंह, मुख्य सचिव अमिताभ जैन, अपर मुख्य सचिव सुब्रत साहू ताके रिहिस।

ओमन सनावल अउ रामचंद्रपुर म एमबीबीएस डॉक्टर के पदस्थापना कराये, रामचंद्रपुर म स्वामी आत्मानंद अंग्रेजी माध्यम स्कूल सुरू करे के घोसना करिस। किसान मन के मांग म  मुख्यमंत्री ह गांव गांजर म धान खरीदी केंद्र सुरू कराये के घोसना करत किहिन के ए क्षेत्र के किसान मनके धान खरीदी केंद्र दूरिहा होए ले दिक्कत तेननो दूरिहा होही। श्री बघेल ह सनावल भेंट-मुलाकात कार्यक्रम म कामेश्वरनगर अउ शिलाजु म गउठान बनाये के घोसना तको करिस।  

मुख्यमंत्री ह ग्रामीण बैंक सनावल के करिन निरीक्षण के बखत किसान मन के मांग म डिंडो अउ रनहत म ग्रामीण बैक के शाखा खोले के घोसना करिस। ओमन किहिन के दूरस्थ इलाका म बैंकिंग सेवा के विस्तार होना चाही। ओमन निरीक्षण के बखत ऋणमाफी के हितग्राही, खाता के संख्या, बैंक सखी अउ बैंक संगवारी डहर ले दूरस्थ क्षेत्र म दीस जा रही बैंकिंग सेवा के तको जानकारी लिस।