Reetika Yadav । रीतिका यादव के रील ले रियल के स्टोरी देखा... फक फका बीड़ी पिथावं, लाली गुलाबी रंग अउ बारामासी के कहानी

सिनेमा। छत्तीसगढ़ी सिनेमा म अब फिमेल स्टार के कोनो कमी नइ हावय, महानगर के अलावा अब छोटे-छोटे अंचल ले बड़े सितारा निकल के आत हावयं। सोशल मीडिया के टिकटाक, इंस्टाग्राम अउ फेसबूक जइसे साइट ह इतना हौसला बड़ाइस के अब वो सिने जगत म तको अपन परचम लहरावत हावयं। एमे एक नाम रीतिका यादव के तको हावय। ये स्टार म अमलेश नागेश, ओमी स्टाइलो, दिप्ती, काजल श्रीवास, अक्की सिनहा, अमरिता कुशवाहा, देव वैष्णव, हिमान्शु यादव, निशा सेन, मेघा साहू, किरण चौहान उक तको सिनेमा तनि रूख करके, अच्छा काम करत हावयं।

रीतिका यादव के सफरनामा-

रीतिका यादव के हाल ही म एक बारामासी वीडियो एल्बम आये हावय जेन सोशल मीडिया म खूब धमाल मचावत हावय। एल्बम ल बहुत ही शानदार तरीका ले बनाये गे हावय, गीत-संगीत ले लेके फिल्मांकन अउ अदाकारी लोगन ल काफी पसंद आत हावय। रीतिका यादव येकर ले पहिली होली सांग लाली गुलाबी रंग म मोहक अंदाज म नजर आयी रिहिस। रीतिका यादव के पहिली वीडियो एल्बम 2019 म आये रिहिस। टिकटाक बंद होए के बाद कोयतूर अमलेश नागेश के संग रीतिका यादव के पहिली वीडियो एल्बम फक फाका बीड़ी पिथावं रिलीज होइस जेन काफी वायरल होइस। लाखों फैंस ह लाइक अउ कमेंट करके हौसला बड़ाइस अब त कई वीडियो लाइन म हावय।

रीतिका यादव के करियर-

रीतिका यादव के पास वीडियो एल्बम के संग ही फिलिम के ऑफर हावय फेर रीतिका सफलता के स्वाद धीरे-धीरे चखना चाहत हावय। वीडियो एल्बम उंकर पहचान हावय अउ उही म आगू तक जाना चाहत हावय। रीतिका यादव पेशा ले ब्यूटीशियन हावय, अउ उंकर जेन तको फोटो अउ वीडियो सोशल मीडिया म आत हावय उंकर स्वयं के क्रिएशन होथे हावय। फोटोग्राफी के शौकीन रीतिका ह अपन पूरा फोकस छत्तीसगढ़ के ट्रेडिशनल फेस्टिवल म करिन हावय। सबोच परब म उंकर शानदार पीक आत हावय। रीतिका यादव जइसे वीडियो रील मेकर म, कतका लोगन पइसा कमात हावय, ए म बाद म गोठबात करबो फिलहाल वो लाखों फॅलोवरों के दिल म रिथे बस अतकेच खूशी ही सुकून देत हावय।

रीतिका यादव के फैमिली-

रीतिका यादव के निजी जीवन के बात करे जेन वो छत्तीसगढ़ के प्रयाग नगरी राजिम के रहइया आए। 23 अगस्त उंकर जन्मदिन हावय अउ माध्यम वर्गीय परिवार के लाडली दूसरा बेटी हावय। भाई-बहन अउ माता-पिता के संग पूरा परिवार राजिम म रिथे। पिता जी होटल चलात हावय अउ स्वयं रीतिका यादव के पॉर्लर हावय जिहां ले उनको इंकम के संग अपन सपना पूरा करे के संबल मिलत हावय। सोशल मीडिया ले मिले जानकारी के मुताबिक रीतिका के बड़े बहिनी के बिहाव हो चुके हावय। रीतिका के एक छोटे बहिनी अउ भाई तको हावय जेन ओला फूल सपोर्ट करत हावयं। 

रीतिका यादव के सोशल साइट-

टिकटाक वीडियो ले सुरू होइस कैमरा के सफर अब करियर के रूप म सफलता के सोपान चखत नजर आत हावय। फक फाका बिड़ी पिथाओ जइसे मसालेदार सांग के अपार सफलता के बाद लाली गुलाबी रंग जइसे लोकोत्सव के गीत अउ प्रकृति प्रेम के श्रृंगारिक गीत बारामासी लोकप्रियता के चरम म हावय। रीतिका यादव अभिनीत वीडियो एल्बम ल आप यूट्यूब म देखच होहम यदि उंकर रील वीडियो अउ फोटो देखना चाहत हावय त रीतिका यादव इंस्टाग्राम म देखव।