मुख्यमंत्री ह अक्ती के दिस बधाई, प्रदेस म माटी-पूजन महाअभियान होही शुरू

अंजोर.रायपुर, 02 मई। मुख्यमंत्री भूपेश बघेल ह प्रदेसवासी ल अक्ती तिहार के बधाई अउ सुभकामना दीस हावय। ए मउका म ओमन प्रदेसवासी के  सुख समृद्धि अउ खुसयाली के कामना करे हावय। शादी-ब्याह के खातिर तको ए दिन मुहूर्त नइ देखे जात काबर के ये दिन ल अक्षय माने गे हावय। ओमन किहिन के हमर कृषि परम्परा म तको ये दिन बिसेस महत्ता रखत हावय। अक्षय तृतीया ले नवा फसल के खातिर तइयारी सुरू होत हावय। माटी के गुड्डा-गुड़िया के बिहाव के परम्परा ले हमर पुरखा ह ए तिहार के धरती ले जोड़े हावय, जेकर ले हम जीवन के आधार माटी ल जीवंत मानके ओकर आदर सम्मान करन।

'माटी पूजन' दिवस म राजधानी म राज्यस्तरीय आयोजन

छत्तीसगढ़ म अक्षय तृतीया के “माटी पूजन दिवस” के रूप म मनाये जाही। ए मउका म राजधानी रायपुर म राज्यस्तरीय कार्यक्रम के आयोजन करिन जाही। संग ही राज्यभर म कार्यक्रम आयोजित करके धरती महतारी के रक्षा के शपथ लिस जाही। 3 मई के अक्षय तृतीया हावय।