दाऊ भूपेश बघेल के अगुवाई म छत्तीसगढ़ खाइस बोरे-बासी : मजदूर दिवस

अंजोर.रायपुर। मजदूर दिवस के मउका म प्रदेश के मुखिया दाऊ भूपेश बघेल ए पइत मजदूर मनके सम्मान म नवाचार करत सबो ले अपील करे रिहिस के आज के दिन बोरे-बासी खाके उंकर श्रम के सम्मान करबोन। मुखिया के ये उदीम म आज सरी छत्तीसगढ़ म बासी के सोर उड़त हाबे। का साहेब का मंतरी, लइका-सियान सबो बासी झड़कत हाबे। 

छत्तीसगढ़ प्रदेश गौरवशाली इतिहास, समृद्ध परम्परा अउ संस्कृति के गढ़ हे। हमार भोजन जीवंत परंपरा के अभिन्न अंग। इही परम्परा ल आगू बढ़ाये के कड़ी म मुख्यमंत्री श्री भूपेश बघेल ह आन मंत्री मन सहित राज्य प्रशासनिक सेवा के अधिकारी उक मन तको आज मजूदर मनके सम्मान बोरे-बासी के मजा लिस।