मात्स्यिकी कॉलेज कबीरधाम के नामकरण पद्मश्री स्वर्गीय पुनाराम निषाद के नाम म

अंजोर.रायपुर, 06 मई। मुख्यमंत्री भूपेश बघेल के मंशानुसार मात्स्यिकी कॉलेज कबीरधाम के नामकरण पद्मश्री स्वर्गीय पुनाराम निषाद के नाम म करे  जाये के आदेश छत्तीसगढ़ शासन डहर ले जारी कर दे हावय। मात्स्यिकी कॉलेज कबीरधाम अब स्वर्गीय पुनाराम निषाद मात्स्यिकी कॉलेज के नाम ले जाने जाही।

जानबा होवय के नवा मछली नीति बनाये कमेटी डहर ले सबो समिति ले मात्स्यिकी कॉलेज कबीरधाम के नामकरण पद्मश्री स्वर्गीय पुनाराम निषाद के नाम म करे बर शासन के प्रस्ताव भेजे गे रिहिस। मुख्यमंत्री भूपेश बघेल के सहमति बाद राज्य शासन डहर ले मात्स्यिकी कॉलेज कबीरधाम के नामकरण पद्मश्री स्वर्गीय पुनाराम निषाद के नाम म करे  जाये के आदेश जारी कर दे हावय। येकर खातिर छत्तीसगढ़ मछुआ समुदाय ह मुख्यमंत्री भूपेश बघेल, कृषि मंत्री रविन्द्र चौबे अउ वन मंत्री मोहम्मद अकबर के प्रति आभार जताइस।