हमर पारा हमर क्लीनिक म लोगन ल मिलत हाबे स्वास्थ्य लाभ

अंजोर.जशपुरनगर,12 मई। स्वास्थ्य विभाग के डहर ले पारा, टोला, मोहल्ला म सप्ताह म एक दिन लोगन ल स्वास्थ्य सुविधा दे के उद्देश्य ले जिला म ‘हमर पारा हमर क्लीनिक’ योजना सुरू करे गे हावय। मई महीना के पहिली सप्ताह म कुल 542 क्लीनिक के आयोजन करके 9267 लोगन के स्वास्थ्य परीक्षण अउ जरूरी दवई बांटे गिस।

योजना के तहत् विकासखण्ड फरसाबहार के गांव बनगांव के जंगलटोली मुहल्ला म गुरूवार के हमर पारा हमर क्लीनिक लगाये गिस। जेमा श्रीमती ईश्वरी भगत उमर 32 साल ल तको लाभान्वित करे गे हावय। ओमन खुशी जाहिर करत छत्तीसगढ़ शासन अउ जिला प्रशासन के धन्यवाद देत किहिन के हमर पारा म सबोच गुरूवार के हमर पारा हमर क्लीनिक लगाये जात हावय। ए गुरूवार के तको स्वास्थ्य कार्यकर्ता नीलाम्बर साय अउ संगीता सिंह के डहर ले क्लीनिक लगाये गिस। जेमा लोगन के ब्लड प्रेशर, शुगर के जांच करे गिस अउ ओला हाथ पैर म दर्द के जांच करके दवई दीस।