दुबई म बिकत हाबे कोंडागांव के बहिनी मनके बनाये ट्राइबल ज्वेलरी

अंजोर.कोंडागांव,28 मई। कोंडागांव के पंखुड़ी सेवा समिति ले जुरे महिला मन डहर ले बनाये बेल मेटल के श्रृंगार ट्राइबल ज्वेलरी अब दुबई के सराफा बाजार म बिकत हावय। मुख्यमंत्री भूपेश बघेल ह समिति के महिला मनला दुबई एक्सपोर्ट बेल मेटल ट्राइबल ज्वेलरी के कमाई के 1 लाख के चेक सउपिस। मुख्यमंत्री ह ये महिला मन डहर ले अपन हुनर के ताकत बनाके आर्थिक रूप ले सशक्त बने के तारीफ करिस। कोंडागांव जिला प्रशासन अउ पंखुड़ी सेवा समिति डहर ले समिलहा रूप ले महिला मन के श्रृंगार ट्राइबल जेवेलरी बनाये के सुविधा उपलब्ध कराये जात हावयं।