अंजोर, 28 मई। मुख्यमंत्री श्री बघेल ह करिन अत्याधुनिक इंटीग्रेटेड ’हमर लैब’ के लोकार्पण कोंडागांव म अब एक ही छत के खल्हे मरीज मनला अलग-अलग 120 रकम ले के स्वास्थ्य जांच के सुविधा मिलही। शहर के जिला अस्पताल म मुख्यमंत्री भूपेश बघेल ह आज अत्याधुनिक इंटीग्रेटेड ’हमर लैब’ के लोकार्पण करिन। ए मउका म प्रभारी मंत्री कवासी लखमा, राज्यसभा सांसद श्रीमती फूलोदेवी नेताम, लोकसभा सांसद दीपक बैज, स्थानीय विधायक मोहन मरकाम, नारायणपुर विधायक चन्दन कश्यप, राष्ट्रीय स्वास्थ्य के मिशन संचालक डॉ प्रियंका शुक्ला, कलेक्टर पुष्पेंद्र मीणा सहित जनप्रतिनिधि अउ स्वास्थ्य विभाग के अधिकारी-कर्मचारी उपस्थित रिहिस।
ओडिसा के ग्रामीण करिन छत्तीसगढ़िया मुख्यमंत्री के बढ़ई
पैथोलोजिस्ट डॉ महेश सांडिया ह बताइन के हमर लैब अत्याधुनिक उपकरण के संग एक इंटीग्रेटेड हेल्थ लैब हावय। इहां जांच ले संबंधित सबो संसाधन के उपयोग एक ठऊर म करत गुणवत्ता ले जांच सेवा मरीज मन ल उपलब्ध कराये जाही। येकर ले मरीज मन के बाहिर महंगे दर म जांच के समस्या ले तको राहत मिलही। हमर लैब म क्लीनिकल पैथोलॉजी, हेमेटोलॉजी, सीरोलॉजी, बायोकेमेस्ट्री अउ माइक्रोबॉयलोजी ले 120 आने-आने रकम के जांच सुविधामरीज मन ल मिलही।
मुख्यमंत्री के संग सेल्फी खिंचाये के दिखीस होड़
मुख्यमंत्री भूपेश बघेल के कोंडागांव जिला अस्पताल पहुंचे के बाद लोगन म जबरदस्त उत्साह दिखीस अउ लोगन उंकर संग सेल्फी खिंचाये के मांग करे लगिस। लोगन के उत्साह अउ प्रेम पूर्वक करे गे अनुनय ल देखत मुख्यमंत्री ह अस्पताल के अधिकारी मन अउ कर्मचारी मन के संग ही मरीज मन के संग तको सेल्फी लिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।