अंतर्राष्ट्रीय धूम्रपान निषेध दिवस 31 मई : छत्तीसगढ़ के नशामुक्त बनाये होही कई कार्यक्रम

अंजोर.रायपुर, 27 मई। प्रदेस म हर साल के रकम ले 31 मई के अंतर्राष्ट्रीय धूम्रपान निषेध दिन मनाये जाही। ए मउका म धूम्रपान ले होए वाला दुष्परिणाम के प्रति समाज म जन चेतना विकसित करे के खातिर कई कार्यक्रम आयोजित होही। संचालक समाज कल्याण ह सबो जिला कलेक्टर मन के पाती लिखके अंतर्राष्ट्रीय धूम्रपान निषेध दिन के मउका म धूम्रपान के रोकथाम के संबंध म बड़का प्रचार अउ जन जागृति के प्रयास करे के निर्देश दे हावयं।

तम्बाखू या तम्बाखू ले बने जिनिस के सेवन ले गंभीर व्याधिय होत हावय येकर प्रति जन-जागरूकता के उद्देश्य ले 31 मई अंतर्राष्ट्रीय धूम्रपान निषेध दिन के मउका म जन समुदाय के तम्बाखू के सेवन ले होए वाला दुष्प्रभाव के बारे जानकारी दे के संग नशा मुक्ति म आधारित साहित्य बाटे जाही।

जन सामान्य म धूम्रपान अउ तम्बाखू सेवन करे के प्रवृत्ति म प्रभावी रोकथाम के खातिर आने-आने प्रतियोगिता अउ कार्यक्रम के आयोजन करे जाही। नाटक, गीत, परिचर्चा, सहित सांस्कृतिक कार्यक्रम आयोजित होही। नशामुक्ति प्रदर्शनी लगाये जाही। योगाचार्यों डहर ले योगाभ्यास प्रदर्शन करिन जाही अउ योगाभ्यास के माध्यम ले नशा छोड़े संबंधित प्रेरक व्याख्यान दे जाही। एमे जन सामान्य, स्वैच्छिक संस्था मन अउ भारत महतारी वाहिनी के तको सहयोग लिस जाही।