मुख्यमंत्री ह शिक्षक मनके स्कूल नइ आने अउ शौचालय बनाये के पइसा नइ मिले के शिकायत म जांच के दीस निर्देश

भेंट-मुलाकात अभियान : गांव सुमेरपुर म राजीव गांधी किसान न्याय योजना, भूमिहीन मजदूर न्याय योजना, गोधन न्याय योजना के बारे म लिस फीडबैक

अंजोर.रायपुर, 08 मई। मुख्यमंत्री भूपेश बघेल भेंट-मुलाकात अभियान के पांचवा दिन प्रेमनगर विधानसभा क्षेत्र के गांव सुमेरपुर म गांव वाला ले मिलिस। ओमन राज्य शासन के आने-आने योजना मनके मैदानी स्तर म क्रियान्वयन के बारे म लोगन ले फीडबैक लिस। मुख्यमंत्री ल गांव वाला ह राजीव गांधी किसान न्याय योजना, गोधन न्याय योजना अउ नरवा गरवा घुरवा बारी कार्यक्रम ले हो रिहिन लाभ के बारे म बताइन अउ ये योजना मन के खातिर ओला धन्यवाद दीस। 

मुख्यमंत्री ह कार्यक्रम म बताइन के गोबर ले अब पेंट तको बनाये जाही। येकर ले बिजली उत्पादन तको करे जाही। स्वसहायता समूह के महिला मन बिजली बनाही अउ एला बेचके पइसा तको कमाही। ओमन बताइन के सरकार अब गोबर के संग गोमूत्र तको खरीदही। 

भेंट-मुलाकात के बखत स्कूल म शिक्षक नइ आये के शिकायत म मुख्यमंत्री ह कलेक्टर के येकर जांच के निर्देश दिस। ओमन साल 2016-17 म गांव पंचायत के शौचालय बनाये के रकम के अब तक के भुगतान नइ होए के संबंध म शिकायत के जांच के खातिर जनपद पंचायत के मुख्य कार्यपालन अधिकारी के निर्देशित करिन। ओमन किहिन के दोषी पाए जाये जरूर कार्रवाई के जाही।