अंतरराष्ट्रीय नर्स दिवस : निःस्वार्थ सेवा के खातिर नर्स बहिनी मनला सलाम

अंजोर.रायपुर, 11 मई। मुख्यमंत्री भूपेश बघेल ह 12 मई अंतर्राष्ट्रीय नर्स दिवस म समर्पण अउ सेवाभाव के प्रतिमूर्ति सबो नर्स ल बधाई अउ सुभकामना दीस हावय। मुख्यमंत्री ह अपन बधाई संदेश म किहिन के स्वास्थ्य सेवा म नर्स के हमेशा ले जरूरी ठऊर  हावय। डॉक्टर ल भगवान के दूसरा रूप केहे जात हावय। हमर नर्स बहन तको देवी स्वरूप होत हावय, जेन निःस्वार्थ भाव ले मानवता के सच्चा सेवा करके दूसर के जीवन के खुशी ले भर देत हावयं। 

श्री बघेल ह कोरोना संकटकाल म नर्स बहिनी डहर ले दिन-रात मरीज मन के सेवा अउ कर्तव्य परायणता के सराहना करत किहिन के निर्भीक योद्धा के रूप म कोरोना के डटके मुकाबला करे सबो स्वास्थ्य सेविका मनला सलाम।