कला जत्था दल करत हाबे शासन के जन कल्याणकारी योजना के प्रचार-प्रसार

अंजोर.मुंगेली 30 मई। राज्य शासन के जनकल्याणकारी योजना मन के सफल क्रियान्वयन बर जिला म कला जत्था दल के माध्यम ले प्रचार-प्रसार करे जात हावय। कला जत्था दल के डहर ले नाट्य, नृत्य, गीत अउ संगीत प्रस्तुति के माध्यम ले आने-आने गांव म राज्य शासन के योजना मन के जानकारी देत हावय। जेकर ले जादा ले जादा ग्रामीणजन जागरूक होके शासन के योजना मन के लाभ ले सकें। इही कड़ी म आज मया के छांव नाचा जत्था दल डहर ले मुंगेली विकासखंड के गांव कंतेली अउ अमरटापूधाम म शासन के जनकल्याणकारी योजना मन के प्रचार-प्रसार करिस। जिहां बड़े संख्या म ग्रामीणजन ह पहुंच के कला जत्था दल डहर ले आयोजित नाट्य, नृत्य, गीत अउ संगीत के आनंद लिस। उहें शासन के महत्वाकांक्षी जनकल्याणकारी योजना मन ले रूबरू होइस। 

कला जत्था दल के माध्यम ले राजीव गांधी किसान न्याय योजना, सुराजी गांव नरवा, गरूवा, घुरवा अउ बाड़ी योजना, मुख्यमंत्री वृक्षारोपण प्रोत्साहन योजना, स्वामी आत्मानंद सरकारी अंग्रेजी माध्यम स्कूल, जल जीवन मिशन, मुख्यमंत्री सुपोषण अभियान, राजीव गांधी ग्रामीण भूमिहीन कृषि मजदूर न्याय योजना उक के जानकारी दीस अउ गांव वाला ल लाभ उठाये बर प्रेरित करे गिस। जानबा होवय के कलेक्टर डॉ गौरव कुमार सिंह के मार्गदर्शन म जिला के आमजन के शासन के जनकल्याणकारी योजना मन के प्रति जागरूक करे कला जत्था दल के माध्यम ले प्रचार प्रसार करे जात हावय। एकर बर जिला के आने-आने गांव के चिन्हांकित करे गे हावय। जिहां मया के छांव कला जत्था दल अउ इंदु फाउंडेशन रायपुर डहर ले शासन के जनकल्याणकारी योजना मन के जानकारी दे जात हावय।