अंजोर.बलौदाबाजार,6 मई। जिला म संचालित 6 स्वामी आत्मानंद अंग्रेजी माध्यम स्कूल मन के प्राचार्य मनके बइठक कलेक्टर डोमन सिंह के अध्यक्षता म प्रगति कक्ष म सम्पन्न होइस। बइठक म प्रवेश बर ऑनलाईन आवेदन पत्र के परीक्षण करके अपात्र आवेदन करइया के सूची जारी कर दे गे हावय। आवेदन करइया 9 मई तक दावा प्रस्तुत कर सकत हावय। 10 मई के दावा आपत्ति निराकरण करे के पाछु फ़ाइनल सूची जारी कर दे जाही। जेन म 11 मई के समिति के डहर ले पालक तीर लाटरी के माध्यम ले प्रवेश प्रक्रिया पूरा करे बर निर्देश दे हावय। ये लाटरी प्रकिया म पारदर्शिता लाने बर जिला कार्यालय म पदस्थ डिप्ट कलेक्टर मन ल प्रभारी बनाये जाही। कलेक्टर डोमन सिंह के डहर ले सबो प्राचार्य के बिन्दुवार जानकारी लेके समीक्षा करे गिस अउ शैक्षणिक गतिविधी के पूरा दक्षता के संग सम्पन करे के निर्देश दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।