 |
| Abujhmad : solar pump irrigation facility |
बस्तर संभाग। मुख्यमंत्री भूपेश बघेल डहर ले अबूझमाड़ क्षेत्र के किसान मनला सोलर सिंचाई पम्प के माध्यम ले सिंचाई सुविधा के लाभ देवाये के निर्देश म जिला प्रशासन नारायणपुर डहर ले तेजी ले अमल करे जात हावय। ए क्षेत्र के मसाहती खसरे मिले किसान मनके खेत म चार बोर मसीन के मदद ले सरलग बोर खनन के बुता करे जात हावय। अब तक ए क्षेत्र के 20 किसान मनके खेत म सोलर पम्प खातिर बोर खनन के बुता पूरा करे जा चुके हावय। क्रेडा डहर ले इहां सोलर सिंचाई पम्प लगाए जात हावयं। जानबा होवय के मुख्यमंत्री भूपेश बघेल ह अपन भेंट-मुलाकात अभियान के बखत अबूझमाड़ क्षेत्र के भ्रमण के बखत जिला प्रशासन नारायणपुर के ए क्षेत्र के जादा ले जादा किसान मनला सोलर सिंचाई पम्प के माध्यम ले सिंचाई सुविधा के लाभ देवाये के निर्देश दे रिहिस।
किसान के समूह के क्लस्टर बनाके बोर करे जात हाबे। अबूझमाड़ क्षेत्र म आजादी के 75 साल बाद कोनो सरकारी योजना पहुंचिस त आदिवासी किसान मनके खुशी के ठिकाना नी रिहिन। अब तक ए क्षेत्र के किसान खेती के खातिर सिरिफ मानसून म निर्भर रहत रिहिस, फेर अब सालभर आन फसल तको ले सकही।
राज्य शासन के मंशानुरूप जिला प्रशासन डहर ले मसाहती खसरा मिले किसान मनके खेत म सिंचाई उपलब्ध कराये बर बोर खनन करके सौर सुजला योजना ले जोड़ा जाते हावय। जादा ले जादा किसान मनला लाभ हो सबो के खेत म सिंचाई सुविधा पहुँचे येकर खातिर 5-10 एकड़ के क्लस्टर बनाके बोर खनन करे जाथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।