 |
| Chief Minister Bhupesh Baghel bought cow dung : Godhan Nyay Yojana |
रायपुर। छत्तीसगढ़ सरकार के सबले प्रभावी ग्रामीण आर्थिक नीति म ले एक ‘गोधन न्याय योजना‘ ले राज्य सरकार डहर ले रिकॉर्ड 144 करोड़ रूपिया ले जादा के गोबर खरीदी करे म, आज गौ-पालक महिला मन अउ किसान मन ह मुख्यमंत्री निवास पहुंचके मुख्यमंत्री भूपेश बघेल के हिरदे ले आभार व्यक्त करिन अउ एक सुंदर ‘गाय-बछरू‘ आशीर्वाद स्वरुप मुख्यमंत्री ल भेंट करिन।
ए बखत मुख्यमंत्री भावुक हो गे अउ ओमन ल किहिन के छत्तीसगढ़ के गांव, गरीब, किसान मन अउ महिला मनके जीवन म आर्थिक समृद्धि अउ ख़ुशी ही ‘छत्तीसगढ़ मॉडल‘ के मूल उद्देश्य हावय। मुख्यमंत्री ह किहिन के वो तीन करोड़ छत्तीसगढ़वासी मनके परिवार के सदस्य हावयं अउ परिवार के ख़ुशी म ही उंकर ख़ुशी हावय।
छत्तीसगढ़ गृह निर्माण मंडल बोर्ड ऑफ डायरेक्टर्स के सदस्य विनोद तिवारी के अगुवाई म होए ए कार्यक्रम म गोधन न्याय योजना के लाभार्थी मुख्यमंत्री ले मिले आये रिहिस। छत्तीसगढ़ ‘गोधन न्याय योजना‘ ले अब तक प्रदेस के लगभग 2 लाख ले जादा लोगन लाभान्वित होए हावयं। उहे प्रदेस म गौपालक के संख्या म 26 परतिसत के बड़वार दर्ज होए हावय, केवल एक साल के अंदर योजना ले लाभान्वित लोगन के संख्या 1,68,531 ले बढ़के 2,11,540 होए हावय। गौपालक के संख्या म वृद्धि, ग्रामीण स्तर म सरलग होत आर्थिक उन्नति के परमान हावय। राज्य म 8408 गउठान स्थापित करे गे हावयं ताकि लोगन के उंकर गांव म ही गोबर बेचे म आसानी होही।
कार्यक्रम म प्रमुख रूप ले श्रीमती रुक्मणि धीवर, श्रीमती संतोषी यादव, श्रीमती दुलारी यादव, श्रीमती राजेश्वरी साहू, श्रीमती फुलेश्वरी यादव, श्रीमती उषा मानिकपुरी, श्रीमती बिसाहिन धीवर, श्रीमती अपराजित तिवारी, सर्वश्री सेवक राम साहू, संतराम साहू, बैसाखू राम साहू, पर्यटन साहू, वतन चन्द्राकर, नागेन्द्र चन्द्राकर, डुमेंद्र साहू, बिशहत राम साहू, मोहित राम, बबलू चन्द्राकर, लखन कुम्भकार, लखन निर्मलकर, राजकुमार, तेजराम साहू, खेमराज यादव, महावीर चन्द्राकर, योगेश कुमार, वीरेन्द्र यादव, घनाराम यादव, सहदेव यादव, बेनु निषाद, अर्जुन यादव, पप्पू पुरैना, सूरज खुटे, उमेंद्र छत्रिय, सामिल रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।