छत्तीसगढ़ म पेट्रोल-डीजल आपूर्ति खातिर मुख्यमंत्री ह केन्द्रीय पेट्रोलियम मंत्री ल लिखिस पत्र... का लिखे हाबे पाती म पढ़व 'अंजोर' छत्तीआसगढ़ी समाचार

Chief Minister wrote a letter to the Petroleum Minister

रायपुर। मुख्यमंत्री भूपेश बघेल ह केन्द्रीय पेट्रोलियम अउ प्राकृतिक गैस मंत्री हरदीप सिंह पुरी ल पाती लिखके छत्तीसगढ़ के किसान मन अउ नागरिक के पेट्रोल-डीजल के कमी ले होत समस्या ले अवगत करावत छत्तीसगढ़ के सबो पेट्रोलियम कंपनी के डिपो म पेट्रोल-डीजल के सरलग सप्लाई करे के गेलौली करिन हावय।

मुख्यमंत्री ह पाती म लिखे हावय के पाछु 1-2 महीना ले छत्तीसगढ़ राज्य म पेट्रोल, डीजल के आपूर्ति कम होगे हावय, जेकर ले कई जिला  के पेट्रोल पम्प ड्राई हो जात हावयं। छत्तीसगढ़ पेट्रोलियम डीलर वेलफेयर एसोसिएशन डहर ले तको अवगत कराये गे हावय के मेसर्स हिन्दुस्तान पेट्रोलियम कार्पारेशन लिमिटेड के छत्तीसगढ़ म 750 रिटेल आउटलेट हावयं, जेमा पेट्रोल, डीजल के सरलग सप्लाई नइ होए ले कई दिन बंद के स्थिति रिथे।

पेट्रोलियम कम्पनी के समीक्षा म पाये गिस के पहिली बफर स्टॉक 4-5 दिन के रहय, पाछु 1-2 महीना ले बफर स्टॉक केवल 1 दिन के बर बच हावय, जेन कई बार खतम हो जात हावय अउ डिपो तको ड्राई हो जात हावय।