 |
| Durg Police |
दुर्ग। पुलिस अधीक्षक-दुर्ग के निर्देश म चलाये यातायात जागरूकता कार्यक्रम म एनसीसी के कैडेटर्स के डहर ले जिला के पटेल चौक, नेहरू नगर चौक, सुपेला, चन्द्रामौर्या, पावर हाउस कटिंग अउ सिरसा गेट चौक म वाहन चालक ल यातायात नियम के पालन करे अउ नियम के पालन नी करे म होवइया गंभीर परिणाम के जानकारी बैनर-पोस्टर के माध्यम ले दीस।
कैडेटर्स डहर ले यातायात बेवस्था म यातायात पुलिस दुर्ग के संग कंधा ले कंध मिलाके लगन अउ मेहनत ले बुता करे गिस। ये कैडेटर्स के उत्सावर्धन अउ उज्ज्वल भविष्य के शुभकामना बर यातायात कार्यालय, नेहरू नगर भिलाई म कविलाश टण्डन, अकताहा पुलिस अधीक्षक, (यातायात) अउ गुरजीत सिंह, उप पुलिस अधीक्षक, (यातायात) के डहर ले शास. विश्वनाथ यादव तामस्कर स्नातकोत्तर कॉलेज दुर्ग एनसीसी के 10 कैडेटर्स अउ सेठ रतनचंद (सुराना) कॉलेज दुर्ग एनसीसी के 12 कैडेटर्स, कुल-22 कैडेटर्स ल प्रशस्ति पाती दे के सम्मानित करे गिस अउ उंकर उज्जवल भविष्य के सुभकामना दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।