पार्श्व गायक केके दुनियां ले अलविदा

Indian playback singer KK Krishnakumar Kunnath

भारतीय पार्श्व गायक केके कृष्णकुमार कुन्नथ के 31 मई के आधरातिहा मउत हो गे। केके 31 मई के आधा रात के कोलकाता के नजरुल मंच म कार्यक्रम देत रिहिस के अचानक ही उंकर तबीयत बिगड़गे अउ कुछ ही पल म उंकर मउत हो गे। वो बखत ऑडिटोरियम म भारी भीड़ जुरियाए रिहिस।

जानकारी के मुताबिक केके के मउत के कारन कार्डियक अरेस्ट बताई (How singer KK died?) जात हावय। हालांकि डॉक्टर्स अभी कुछ तको कहे ले बचत हावयं। 53 साल के सिंगर केके एकदम फिट अउ फाइन रिहिस अउ वो ह स्मोकिंग अउ ड्रिकिंग ले तको दूरिहा रहत रिहिस। फेर अइसे का होइस के अचानक ही कुछ ही पल के अंदर केके के जिनगी खतम हो गे?

कृष्णकुमार कुन्नथ के जनम 23 अगस्त 1970 के त्रिश्शूर, केरल म सीएस नायर अउ कनाकवाल्ली के घर होइस। वो 31 मई 2022 के दुनिया ले अलविदा हो गे। कृष्णकुमार कुन्नथ ल केके के रूप म जाने जात रिहिस। वो एक सफल भारतीय पार्श्व गायक रिहिस। वो ह हिंदी, तेलुगु, मलयालम, कन्नड़ अउ तमिल फिल्म म एक प्रमुख गायक रिहिन।  कृष्णकुमार कुन्नाथ नवा दिल्ली म पले बढ़े, ओमन पल नामक एलबम रिलीज करिन, जेला सर्वश्रेष्ठ सोलो एल्बम के खातिर स्टार स्क्रीन पुरस्कार मिले रिहिस, ए एल्बम के दू गाने 'पल' अउ 'यारों' काफी लोकप्रिय रिहिन।