 |
| Malkhamb players of Narayanpur |
अंजोर.नारायणपुर,03 जून। भारत के श्रेष्ठ खेल 4 जी खेलो इंडिया यूथ गेम्स 2022 म भाग लेवइया खिलाड़ी मन कलेक्टर ऋतुराज रघुवंशी ले भेंट करिस। कलेक्टर श्री रघुवंशी ह उत्कृष्ट प्रदर्शन खातिर प्रोत्साहित करिन अउ मैडल जीतके जिला एव राज्य के नाम रौशन करे के सुभकामना दीस।
जानबा होवय के खेल 4 जी खेलो इंडिया यूथ गेम्स के आयोजन 4 जून ले लेके 13 जून 2022 तक हरियाणा राज्य के पंचकूला शहर म होवत हावय, जेमा 25 खेल के प्रतिभा के 8 हजार खिलाड़ी डहर ले आने-आने खेल के प्रतियोगिता होना हावय। इही खेल म ले मल्लखंब खेल के प्रतियोगिता 8 जून ले 13 जून तक चलही। मल्लखंब खेल के 4 जी खेलो इंडिया यूथ गेम्स म सामिल करे गे हावय।
छत्तीसगढ़ राज्य ले 200 खिलाड़ी म ले 17 सदस्य मनके टीम म 12 खिलाडी नारायणपुर जिला के अबूझमाड़ क्षेत्र ले 10 लइका के चयन छत्तीसगढ़ टीम ल प्रतिनिधित्व करे के खातिर होइस हावय। ये मलखम्ब खिलाड़ी के संग छत्तीसगढ़ मल्लखंब संघ के अध्यक्ष डॉ प्रेम सिंह शुक्ल, डॉ राजकुमार शर्मा के संग म अबुझमाड़ मल्लखंब अकादमी ले मुख्य कोच मनोज प्रसाद अउ सहायक कोच पुष्कर दिनकर, परमानंद नाग, रविशंकर कोवाची, बृज लाल नूरेटी अउ हिमांशी नेताम के संग प्रतियोगिता म भाग ले के खातिर 3 जून 2022 के पंचकूला हरियाणा के खातिर रवाना होगे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।