 |
| naxalite arrested in dhamtari district |
अंजोर.ए। धमतरी पुलिस ल बड़का सफलता मिले हाबे, सघन नक्सली क्षेत्र म सर्चिंग के बखत गांव दौड़पडरीपानी के जंगल म एक सदिग्ध मनखे घूमता पाइस। जेन पुलिस ल देखके भागे लगे अउ छुपने के कोशिश करे लगे तब वो मनखे ल दउड़ा के धरिस। नाम अउ पता पूछे अपन नाम मुकेश उर्फ सुकलू गावडे पिता दसरू गावड़े गांव खरकापाल थाना बड़गाव जिला कांकेर छ. ग. के निवासी होना बताइन।
पूछताछ म स्वयं ल साल 2009 ले रावघाट नक्सल एरिया कमेटी के सदस्य/ प्लाटून नं.-05 के सेक्शन कमांडर/ प्लाटून नंबर 25 के डिप्टी कमाडर (परतापुर एरिया कमेटी ले) होना बताइन अउ अभी के बेरा म सदस्य के हावय अउ ओमन केऊ घटना मन म सामिल होना स्वीकार करिन।
पुलिस कोति ले मिले जानकारी के मुताबिक जिला ले कांकेर ले पूछताछ करे म ईनामी नक्सली होए के जानकारी मिलिस जेकर खातिर दू लाख के ईनाम जारी करे गे हावय अउ कांकेर जिला के आने-आने मामला म 10 स्थायी वारंट जारी करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।