अंजोर.ए। भारत राष्ट्रपति राम नाथ कोविंद जी 3 ले 6 जून, 2022 तक उत्तर प्रदेस के यात्रा म रइही। 3 जून 2022 के राष्ट्रपति कानपुर देहात म अपन पैतृक गांव परौंख जाही, जिहां वोमन ह एक जनसभा ल संबोधित करही। ए मउका म प्रधानमंत्री नरेन्द्र मोदी तको उहां उपस्थित रइही।
4 जून 2022 के राष्ट्रपति कानपुर म मर्चेंट चैंबर ऑफ उत्तर प्रदेस के 90वां साल के समारोह ल संबोधित करही। उही दिन वो गोरखपुर म गीताप्रेस के शताब्दी समारोह म तको भाग लेही। 5 जून, 2022 के राष्ट्रपति मगहर जाही जिहां वोमन संत कबीर दास जी ल श्रद्धासुमन अर्पित करही अउ संत कबीर अकादमी अउ अनुसंधान केंद्र अऊ स्वदेश दरसन योजना के उद्घाटन करही। राष्ट्रपति महोदय 6 जून 2022 के उत्तर प्रदेस विधान मंडल के बिसेस समिलहा अधिवेशन ल संबोधित करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।