 |
| Purvanchal Kalyan Ashram at Governor Ms. Anusuiya Uikey |
रायपुर। राज्यपाल सुश्री अनुसुईया उइके कलकत्ता के हावड़ा महानगर के कला मंदिर म आयोजित पूर्वांचल कल्याण आश्रम के 41 वें वार्षिकोत्सव म सामिल होइस। ए बखत ओमन आश्रम के नवनिर्वाचित राष्ट्रीय अध्यक्ष रामचन्द्र खराड़ी के सुरता चिनहा भेंटकरके सम्मानित करिन अउ ओला सुभकामना दी।
राज्यपाल सुश्री अनुसुईया उइके ह कार्यक्रम के संबोधित करत किहिन के पूर्वांचल कल्याण आश्रम के वार्षिकोत्सव म आना मोर लिये गौरव के बात हावय। मैं स्वयं वनवासी कल्याण आश्रम ले जुरे हावं, इही सेती मैं इंकर त्याग अउ समर्पण के जानत हावं के आश्रम के लोगन बिना कोनो अपेक्षा के निस्वार्थ भाव ले वनबन्धु मनके सेवा करत हावय। वनवासी के जीवन स्तर ल सुधारे अउ ओला अपन अधिकार के प्रति जागरूक करे के खातिर आश्रम नित प्रयासरत हावय। राज्यपाल सुश्री उइके ह वनवासी कल्याण आश्रम ले जुड़े जगदेव राम उरांव ल नमन करत किहिन के वनवासी मनके कल्याण के खातिर करे गे उंकर बुता ल सदन म उपस्थित लोगन आगू बढ़ाएं। उंकर व्यक्तित्व अउ सेवा भावना अनुकरणीय हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।