अंजोर.सूरजपुर,01 जून। छत्तीसगढ़ शासन स्कूल शिक्षा विभाग, मंत्रालय, नवा रायपुर डहर ले स्वामी आत्मानंद सरकारी उत्कृष्ट अंग्रेजी माध्यम स्कूल मन म पढ़त हिन्दी माध्यम के पढ़ईया मनके अध्ययन बेवस्था के सुचारू रूप ले संचालित करे के खातिर हिन्दी माध्यम के शिक्षकीय पद ल जरूरत ल धियान म रखत जिला के आन हिन्दी माध्यम स्कूल मन ले अंग्रेजी माध्यम स्कूल मन म अंतरित करे के निर्देश हावयं।
जिला म संचालित अंग्रेजी माध्यम स्कूल मनके खाली पद के पूर्ति बर केवल प्रतिनियुक्ति के डहर ले जिला अन्तर्गत कार्यरत विभागीय व्याख्याता मनले जेन विज्ञापित पद के मुताबिक शैक्षणिक अउ व्यावसायिक योग्यता रखत हावयं, आवेदन पाती आमंत्रित करे गे हावयं। प्रतिनियुक्ति के इच्छुक आवेदन करइया करार प्रारूप म आवेदन पाती के संग वाक-इन इंटरव्यू म सामिल हो सकत हावय। ये पद म प्रतिनियुक्ति ले भरती बर 10 जून 2022 के बिहनिया 10 बजे ले कार्यालय जिला पंचायत सूरजपुर म वाक-इन इंटरव्यू के आयोजन करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।