भेट मुलाकात : गितपहर म मुख्यमंत्री के बड़का घोसना

अंजोर.बस्तर। मुख्यमंत्री भूपेश बघेल अपन बस्तर संभाग के दौरा म लोगन ले भेट मुलाकात के संग बड़का सौगात तको देवत हाबे। इही ओढ़र म ओमन बस्तर संभाग के गितपहर म मिनी स्टेडियम के बनाये के घोसना करिस, चारामा म आदिवासी समाज के खातिर सामुदायिक भवन के बनाये के घोसना, जिला सहकारी केंद्रीय बैंक के शाखा खोले के घोसना, जल्दी ही कलेक्टर जगह तय करही। इही रकम ले बासनवाही अउ बारगरी म उप स्वास्थ्य केंद्र के घोसना। अऊ भानुप्रतापपुर विधानसभा के सबो देवगुड़ी अउ घोटुल के प्रस्ताव स्वीकृति के घोसना तको करे हाबे।