 |
| crime review meeting for superintendent of police |
अंजोर.धमतरी,ए। जिला पुलिस अधीक्षक ह पुलिस कार्यालय म जिला के राजपत्रित पुलिस अधिकारी अउ थाना/चौकी प्रभारी मनके अपराध समीक्षा बइठक लिस। पुलिस अधीक्षक ह लंबित अपराध अउ शिकायत के समीक्षा करत लघियात निराकरण करे अउ पेंडेंसी कम करे के उद्देश्य ले सबो सुपरविजन अधिकारी अउ थाना अउ चौकी प्रभारी ले सबो अनसुलझे अउ लंबित मामला म गोठबात करके निकाले बर जरूरी दिशा निर्देश दिस।
पुलिस अधीक्षक डहर ले सबो थाना/चौकी प्रभारी के चलित थाना आयोजित करके आम जनता के शिकायत अउ समस्या के निराकरण करे के निर्देश दिस। मीटिंग के बखत पुलिस अधीक्षक महोदय डहर ले महिला संबंधी अपराध म पुलिस मुख्यालय डहर ले जारी करे गे निर्देश अउ महिला संबंधी रिपोर्ट अउ शिकायत पत्र म कोनो रकम के लापरवाही नइ बरते के कड़ा निर्देश दिस। संग ही गुम नाबालिक मनके पतासाजी अउ दस्तयाब करके मिले साक्ष्य के आधार म वैधानिक कार्यवाही करे।
ओमन सबो राजपत्रित अधिकारी मनला महिला अउ लइका ले संबंधित अपराध अउ लंबित गंभीर मामला के संग चिटफंड कंपनी ले संबंधित शिकायत अउ आईटी एक्ट प्रकरण ल अपन स्तर म समीक्षा करके जरूरत अनुसार पुलिस टीम बनाके दीगर प्रांत भेजे बर निर्देशित करिन।
जमीन संबंधी विवाद म दुनों पक्ष म अनिवार्यतः प्रतिबंधात्मक कार्यवाही करे न किहिन। पुलिस अधीक्षक डहर ले सबो थाना/चौकी म जाके आकस्मिक निरीक्षण करिन अउ थाना म ही विवेचना अधिकारी मनके मीटिंग लेके उंकर बुता के समीक्षा करिन।
नक्सल गतिविधी म प्रभावी अकुंश लगात नक्सल आपरेशन के सरलग संचालन करे अउ सीमावर्ती थाना क्षेत्र म अवैध गांजा,धान अउ दारू के परिवहन म पूरा प्रतिबंध लगाये के दीस निर्देश। थानावार लंबित अपराध, शिकायत, समंस/वारंट, मर्ग, गुम इंसान, चिटफंड कंपनी के विरुद्ध पंजीबद्ध अपराध के समीक्षा के बाद लंबित मामला के निराकरण करे ल किहिन गे हावय।
ये समीक्षा मीटिंग म उप पुलिस अधीक्षक मुख्यालय जी.सी.पति,अनु.अधिकारी नगरी मयंक रणसिंह, उप पुलिस अधीक्षक अजाक श्रीमती रागिनी मिश्रा,उप पुलिस अधीक्षक (महिला विरुद्ध अपराध) श्रीमती सारिका वैद्य,उप पुलिस अधीक्षक नक्सल ऑपरेशन आर.के.मिश्रा, रक्षित निरीक्षक के देवराजू, इकाई के सबो थाना अउ चौकी प्रभारी,प्रभारी शिकायत/डीसीबी.निरीक्षक सत्यकला रामटेके, निरीक्षक विनोद कतलम,स्टेनो अखिलेश शुक्ला,स्थापना लिपिक लक्ष्मी ध्रुव,सुबेदार रेवती वर्मा,डीएसबी प्रभारी,नक्सल प्रभारी, सायबर प्रभारी, महिला सेल प्रभारी,अजाक प्रभारी, अउ पुलिस कार्यालय के सबो शाखा प्रभारी अउ आन पुलिस अधिकारीगण उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।